انجازات اليوم العاشر من التحدي ٢٩ يوم
اليوووم العاشر
طبعا هاي ١٠ الأيام الي شاركت بيها بتحدي نفسي بممارسة اللمهارات الأربعة للغة الإنكليزية وهدفي الأساسي من هذا التحدي هوه ان اطلع بحصيلة كبيره من المفردات والجمل .
خلال ١٠ تم حفظ ٣٩٠ كلمة جديده و ٦٠ جملة إنكليزية ، تم إختيارها من أفلام وفديوهات ومن مدربين لغة إنكليزية ،هذا فديو الهمني هواي وهذا الشيء كلش اسعدني لان فتح عندي بصيره على ان اكدر أي شيء اتعلمة اذا ارتب جدول والتزم بيه ، يعني اني هسا فقط بعشر أيام حفظت ٤٥٠ بين كملة وجملة يعني خلال شهر اذا التزم راح يطلع عندي ١٢٥٠ كلمة واذا سنة 5400 وشغله ما تعب بس تحب التزام ، كل يوم احفظ تقريبا ٥٠ كلمة أو جملة وهذا الشيء احسه دا يطورني هواي. وكل ما اشوف نفسي دا أتقدم احس بسعاده وشعور كلش لطيف وحتى يخليني ابذل جهد اكثر واكثر ويصير عندي حماس. أيضا جاي اكتب بكل فراغ عندي كتابة بالانكليزي موجوده في المدونة عن مواضيع وجاي أحاول استخدم الكلمات الي قريتهن حتى ما انساهن . بالإضافة ، جاي امارس الإنكليزية بشكل يومي مع صديقي او مع نفسي حتى بالتدريج أكون قادر ع الطلاقة( مع العلم اني بوضع دراسة ومتحانات وجاي اسوي هيج ، اكيد اذا اخلص راح يكون بذل جهد اكثر وتطور اكبر ) . أيضا ، جاي استمع الى الإنكليزية تقريبا ساعة باليوم من اليوتيوب وهم جاي اقرء إنكليزي.
وفي الختام ، اني راح استمر حتى بعد ال ٢٩ يوم لان الشغلة عجبتني وجاي اطور بيها اكثر، وكذلك احب أشارك امتناني الى :
１- ااشكر مرتضى الي فتح النا مثل هيج افاق وع التشجيع والإيجابية الى يلقيها دائما .
２- واشكر الجهد والتطور الي جاي ابذلة بالرغم من الوضع الدراسي الحالي والضغوطات.
３- ممتن الى الطاقة والحماس الي جاي يصير عندي بعد كل انجاز يومي ، يدفعني اساهم واقدم مجهود اكبر.
Comments
Post a Comment